Ozzias T. Villaver Jr., Ed. D. | BravoFilipino
Ang umaga’y gabi, ang gabi’y umaga.
Ang orasan ay nasa kamay ng panday ng galactica.
Ang sigaw ng hangin mula sa kanluran pa-timog
Minsan nakakabingi sa silangan at padakong-ilaga…
At habang ang hampas-lupit nitosa sagradong lupa
Na pamana ng mga ninunong nananahimik
Sa karaniwang kugo’t kawayan at makakapal
Tila dala’ng apoy ng himok, galit, manhid at sindak…
Ang gabi’s umaga, ang umaga’y gabi.
Habang sa orasan ay napupuno ng alikabok
At nakakalito sa mata ng makasaysayang ugat
Siyang tanging bumabaybay sa sanga-sangang luha
Ang luhang di matutumbasan ang hapis at halaga
Kahit pumapatak na ito sa templo at tumatabang lupa.
