Ozzias T. Villaver Jr., Ed. D. | BravoFilipino
Magdadapit hapon na
Wala pa ang Inang hinahanap
Kumakatog na ang mga tuhod
Nangangatal pa ang likod…
Sa labis ng pagod
Ulo ay umiikot-ikot
Habang pa-hakbang
Patungo sa tabing ilog…
Wala pa si Inay, nasaan ba?
Wala rin si Itay, paano na?
Tumitindi ang sakit sa sikmura
Lumuhod tinawag na ang cura…
Habang palapit sa mahimbing ilog
Ang paslit patinding dumaraing
Sa sakit kumakalat sa mga ugat
Humihiyaw sabay ang taas ng lagnat…
Bakit ang mundo’y bingi?
Bakit ang langit naging pipi?
Bakit ang tinig ni Itay at Inay
Di marinig ng dumaraing na paslit?
Share This!
